Дарко Лазиќ отворено зборуваше за болката со која се соочува по трагичната смрт на својот брат Драган, кој пред два месеца загина во сообраќајна несреќа.
Пред настап во Белград, пејачот призна дека сè уште не успеал да се опорави од загубата.
„Сè уште не сум испливал од овој тежок период. Сè уште се борам. Само јас знам како ми е. Ја носам болката во себе. Се трудам да бидам професионален и да продолжам понатаму“, изјави Лазиќ со грутка во грлото.
Тој додаде дека најголема поддршка му се најблиските, а особено сопругата Катарина.
„Голема е болката, голема трагедија. Најчесто сум со блиските, за да не останувам сам. Болката ја лекувам преку Каќа, таа ми е најголема поддршка. Работам, но работам на сила. Ова е моја работа и морам да продолжам“, рече пејачот.
Дарко откри и дека спас моментално пронаоѓа во музиката.
„Излезе нова песна со Ѓус и Ѓани, добро испадна. Имам и песна за брат ми, но сè уште е рано. Не можам да ја отпеам“, призна тој.
Неговата сопруга Катарина Лазиќ неодамна изјави дека, и покрај тешкиот период, Дарко не сакал да се откаже од музиката.
„Му предложив да побара стручна помош, бидејќи ситуацијата беше многу тешка за сите нас, особено за него. Но наместо тоа, утеха пронајде во верата, во црквите и манастирите, разговарајќи со свештени лица“, изјави таа.
