Македонскиот музичар и бизнисмен Дарко Гелев-Брејк неодамна го прослави својот роденден, а меѓу бројните честитки најголемо внимание привлече онаа од неговиот син Марко Гелев.
Марко на својот инстаграм-профил сподели архивска фотографија од својот татко, на која Брејк изгледа речиси непрепознатливо, но со истиот силен карактер. На фотографијата, младиот Брејк позира на мотор, со специфична фризура од тоа време и во црна кожна јакна – вистински приказ на рокенрол-естетиката што ја негуваше низ годините.
Честитката беше придружена со еден од најголемите гранџ-хитови, „Even Flow“ од „Перл џем“, што совршено се вклопува во бунтовниот имиџ на музичарот од тој период.
Брејк ја сподели објавата и на својот профил, а неговиот најстар син Марко очигледно ја негува истата почит кон музичкото наследство и стилот што го одбележаа неговиот татко на почетокот од кариерата.
Брејк и денес важи за една од најмаркантните фигури на македонската јавна сцена.
