Принцот Хари полета за Калифорнија по само 24 часа во Велика Британија. Војводата од Сасекс беше виден на аеродромот Хитроу следниот ден по неговата 45-минутна средба со кралот Чарлс. Ноќта ја помина во хотел и полета за САД. За ова пишува Дејли Мејл.
Принцот Хари го направи 11-часовниот трансатлантски лет од САД за да го види својот татко, кралот Чарлс III, во Лондон по шокантната дијагноза на рак на монархот.
View this post on Instagram
Средбата меѓу татко и син траела само 45 минути. Хари го посети Чарлс во неговата резиденција во Кларенс Хаус, каде што беше одведен под полициска придружба.
Војводата пристигна нешто пред 14 часот – и со летот 269 на Бритиш Ервејс, кој полетува во 15.05 часот, тој веќе се врати во Лос Анџелес во 18.30 часот по локално време.
Тие имаа „кратка средба“ пред кралот Чарлс и кралицата Камила да се упатат кон Бакингемската палата, каде што чекаше хеликоптер да ги врати во Сандрингам во Норфолк.
Се верува дека војводата не го видел својот брат, принцот Вилијам, ниту неговата сопруга Кејт Мидлтон, која се опоравува од операција на абдоменот и е на продолжен одмор.
39-годишниот Хари вчера летал повеќе од 8.000 километри од Лос Анџелес до Лондон, откако неговиот татко му кажал за неговата дијагноза. Тоа беше нивната прва официјална средба лице в лице по погребот на покојната кралица Елизабета Втора во септември 2022 година.
