За празниците околу Божиќ и Нова година, бугарските фолк-ѕвезди побарале големи хонорари за настапите. Според информациите на „Хот Арена“, Азис побарал рекорден хонорар од 51.000 евра за настап.
Бугарскиот славеј инсистирал, но цената била преголема за управителот на локалот, барем тоа бил првичниот одговор. Како за споредба, неговите настапи во обични денови чинат околу 10.200 евра, а по празниците цената се зголемила до четири пати.
Веднаш зад него се наредуваат Анелиа, Галена и Преслава, кои настапувале и ќе настапуваат за сума од 15.300 евра, а нивниот колега Меди зема и до 7.650 евра.
Останатите познати изведувачи од Бугарија земаат од 3.570 до 5.100 евра, додека помалку познати пејачи, како Ариа, Рени, Емрах, Џија … добиваат по 2.040 до 2.550 евра за своите настапи.
Празничните хонорари покажуваат дека Азис и натаму е еден од најплатените изведувачи на бугарската музичка сцена.
