За својот покоен вујко Војо Стојановски, емотивна приказна раскажа фолк-пејачот Влатко Миладиновски, неговиот внук, а во неа е и Дамјан Стојаноски, синот на Војо.
Како што многу медиуми напишаа, а и социјалните мрежи „гореа“, Влатко одржа концерт во „Борис Трајковски“ на 28 декември и со тоа стана првиот пејач од фолк музиката кој ја наполнил нашата најголема Арена.
-Нема друга Македонија-една од Македонските химни, во чест на мојот вујко Војо Стојановски,
човекот чии песни оставија неизбришлив траг во Македонската душа.
Испеана од срце, заедно со Дамјан Стојаноски, песна што не е само звук, туку завет. Порака што одекнува со децении- дека без разлика на сè, Македонија е наша, една и единствена- напиша пејачот на Фејбсук и сподели видео од неговиот настап заедно со братучед му Дамјан, синот на Војо.
Војо Стојаноски почина на 6 мај во 20ѝ4 година, кога неговиот син Дамјан имаше 18 години, но тој го продолжи патот на татко му. Негова голема љубов беше сопругата Евица Камберова-Стојаноска.
