Ана Николиќ и Горан Ратковиќ Рале, повеќе не знаат дали се во љубов или во конфликт. Иако неодамна беа забележани заедно во еден белградски трговски центар, каде делуваа блиски и опуштени, зад затворените врати ситуацијата, како што тврдат извори блиски до парот, е далеку од идилична.
Минатиот викенд, според наводите, Рале бил приморан да побара помош од полицијата поради однесувањето на пејачката. Ана, наводно, го вознемирувала по телефон, инсистирајќи да се видат веднаш. Кога тој одбил, сметајќи дека таа е под дејство на алкохол, ја замолил да дојде следниот ден. Наместо тоа, Ана се појавила пред неговиот стан доцна навечер, седната во автомобил.
Ситуацијата излегла од контрола – Ана тропала на вратата со раце и нозе, врескала и барала да ѝ се вратат „нејзините пари“. Соседите излегле од становите и пробале да ја смират, но наводно дошло и до вербален судир со тешки навреди и закани.
„Марш во дупка! Немој да ви доведам клан да ве среди!“ – наводно рекла Ана на соседите кои барале да ја напушти зградата.
Поради ескалацијата, Рале повикал полиција за да се смири ситуацијата и Ана да биде отстранета од местото на настанот. Според сведоци, по овој инцидент, тие се смириле, но јавноста не може да го следи нивниот однос.
Овој конфликт е уште еден во низата јавни судири на Ана Николиќ и Горан Ратковиќ Рале, кои се познати по бурниот однос, јавните расправии и полемиките. Иако Рале е автор на некои од најголемите хитови на Ана и таа го истакнува неговото влијание врз својот професионален и приватен живот, нивните емоции често прераснуваат во конфликти кои тешко се контролираат.
Дали Ана и Рале повторно се заедно или станува збор за уште еден обид за помирување што завршува со скандал, останува да се види. Едно е сигурно – нивната љубовна приказна, полна со успони и падови, повторно е тема на медиумите и на социјалните мрежи.
