Омилените корги на кралицата Елизабета завршија во добрите раце на војвотката од Јорк, покажуваат првите фотографии кои Сара Фергусон ги објави.
Кралицата цел живот беше страстен љубител на расата корги и поседуваше десетици кучиња. Често беше фотографирана со едно или повеќе од нејзините корги. Пред смртта, кралицата поседувала четири кучиња: две пемброк велшки корги по име Сенди и Муик, дорги (спој на јазовичар и корги) по име Кенди и кокер шпаниел, Лиси.
View this post on Instagram
Во саботата, Фергусон сподели фотографии на својот инстаграм-профил со коргите Сенди и Муик.
– Подароци кои продолжуваат да се даваат – напиша таа.
По смртта на кралицата, извор изјави за Си-Ен-Ен дека коргите ќе живеат со Фергусон и нејзиниот поранешен сопруг, принцот Ендру. Двојката се разведе во 1996 година, но сè уште живеат заедно на имотот Виндзор во Royal Lodgeu.
Дури и по разводот, Фергусон продолжила да одржува пријателство со кралицата и често ги шетале своите кучиња заедно.
View this post on Instagram
