Принцот Хари верува дека е изложен на поголем ризик да биде загрозен од „расизам и екстремизам“ отколку што беше неговата мајка Дијана, откриваат документите на Високиот суд.
Војводата од Сасекс во писмо до шефот на државната служба рече дека неговото семејство ќе биде ставено „во позиција во која никој не сакаше да ја стави мајка ми пред 23 години“ со отстранување на неговото обезбедување.
Во писмото, Хари откри и што смета дека е најголемата закана за неговото семејство, иако попрецизни детали за тоа за што се работи биле изоставени од судските документи.
Истите документи откриваат дека Ал Каеда повикала да се убие таткото на две деца, откако тој пишувал за убивање на талибански борци, пишува Дејли Мејл.
Принцот Хари (39) рекол дека станува збор за „дополнителни слоеви на расизам и екстремизам“ и побарал „некој да преземе одговорност“ за она што може да се случи со неговата сопруга Меган Маркл и нивните деца Арчи и Лилибет.
Потсетуваме дека принцот Хари го загуби судскиот спор против владата во врска со степенот на неговата безбедносна заштита додека беше во Велика Британија.
