Главна тема кај нас овие два дена е синоќешниот вооружен напад во Старата чаршија во Скопје, во која настрадаа две лица, а еден од убиените е – како што пренесуваат денес срспките медиуми – е поранешното момче на учесничката во популарната „Задруга“, Александра Николиќ.
Алекс Николиќ пред неколку години била во многу турбулентни односи со македонскиот државјанин, Јетон Кривањева , за кој во својата мачна исповед немала пофални зборови, бидејќи, како што тогаш тврдеше, претрпела сериозно насилство.
Николиќ настапувала по клубовите во Македонија, каде запознала „жесток дечко“ со кој почнала да излегува. Набрзо се преселила да живее кај него во Скопје. Таа во емотивната исповед го спомна и откри детали од бурната врска која целосно ѝ го променила животот:
– Ја напуштив работата поради него, бидејќи му пречеше да играм. Ми беше убаво со него година и пол, но го оставив затоа што ме претепа.Тој го направи тоа затоа што мислеше дека гледам во некој тип. Ме претепа толку многу што имав сериозна повреда на усната.
– Бидејќи цел живот гледав насилство, веднаш го напуштив. Никогаш не би простила ќотек! Тоа момче уште ми се заканува. Тој ми вели дека ќе објави некои информации за мене во јавноста. Мислам: „Прави што сакаш, само остави ме на мира“. Не знам дали ја има мојата експлицитна снимка. Не се снимавме, само ако тајно го направил тоа. Не се плашам ниту од него, ниту од никого, рекла Алекс неодамна, како што пренесуваат српските медиуми.
Инаку, се уште се истражува кои биле мотивите за убиството и дали има некаква политичка позадина.
