Поранешната Мис туризам Хрватска, денес претприемачка и дизајнерка на накит, Иванчица Пахор, пред неколку месеци објави дека боледува од рак кој ги зафатил лимфните јазли. Оттогаш, таа се бори со сериозна болест, а со својата нова објава на Инстаграм, допре до многумина.
Со фотографијата од автомобилот, Пахор напишала како болеста ја променила и што ја научила.
„Оваа болест ме научи да се сакам себеси каква што сум. Косата падна на перницата, во огледалото заморот и бледило… И токму тогаш ја откриваш силата и убавината што немаат никаква врска со совршенството“, напиша таа во објава што растажи многумина.
View this post on Instagram
Иванчица во ноември минатата година на Фејсбук откри дека ѝ е дијагностициран рак и тогаш сподели со јавноста низ што поминува.
„Во овие моменти поминувам низ најтешката агонија во мојот живот и најголемата борба досега. Медицинските анализи ја потврдија дијагнозата за рак. Оние што ме познаваат знаат дека целиот мој живот беше голема и постојана борба – паѓав, но секогаш станував. Немав време за жалење, а ниту за мал одмор. Се дадав самата себе до крајните граници, а сè поради една желба: моето семејство да биде среќно“, напиша таа.
