Ново истражување на Science Alert го проценува степенот на појавата на главоболките кај светската популација, пренесува Dailyecho.
Истражувачите откриле дека главоболките се почести кај жените отколку кај мажите, а најголемата разлика е кај мигрената (17 отсто кај жените и 8,6 отсто кај мажите).
„На дневна основа, 15,8 отсто од светското население страда од главоболка“, се истакнува во анализата.
Авторите откриле и дека преваленцата на нарушувања со главоболка останува висока ширум светот и сериозноста на различните видови може да влијае на многу луѓе.
„Очигледното зголемување на преваленцата на мигрена со тек на времето може да биде поврзано со промени во животната средина – физичките, психолошките или промените на однесувањето, но поверојатно е дека е поврзано со развојот на методологијата со текот на годините, што доведува до подобар пристап, техники и подобрени дијагностички алатки во оваа област“, се вели во анализата.
Неврологот Ларс Јакоб Стовнер од Норвешкиот универзитет, смета дека тоа може да се намали преку превенција и подобар третман.
