Почина Срѓан Кољевиќ, српскиот сценарист, режисер и професор на Катедрата за драматургија на Факултетот за драмски уметности (ФДУ) во Белград. Имаше 56 години. Кољевиќ беше еден од најнаградуваните сценаристи во Србија и регионот и повеќекратен добитник на награди за креативност во областа на сценаријата.
Роден е на 31 декември 1966 година во Сараево. Дипломирал на отсекот драматургија на ФДУ во Белград, каде што започна да предава во 1999.
Режираше два филма по свои сценарија, „Сив црвен камион“ и „Жена со скршен нос“. Филмот „Сив црвен камион“ од 2004 доби 11 меѓународни награди на 40 фестивали и 13 награди на домашни фестивали. Тој беше косценарист на филмот „Клопка“ на Срдан Голубовиќ во 2007, првиот српски филм што влезе во потесниот избор за Оскар и првото српско сценарио чии права за римејк беа купени во Холивуд. Работел и како соработник за меѓународни односи пред Југословенската кинотека. Како што пишуваат српските медиуми тој боледувал од рак на дебелото црево, а во неколку наврати се собирале средства за лекување.
„Беше наградуван и почитуван во европската кинематографија. Зад себе ги остави и делата на своите ученици, на кои им беше ментор и пример. Тој беше многу, редок достоен професор, колега и уметник, а тажни сме што го нема. И горди што делевме време со него“, велат од ФДУ.
