Пејачката Барбара Бобак отворено проговори за турбулентниот период кога била во врска со колегата Дарко Лазиќ.
Таа откри дека поради тешкиот период побарала стручна помош и истакна дека психотерапијата многу ѝ помогнала.
-Побарав и добив помош. Многу ми значеше, бидејќи е важно да разговараш со некој што не е пристрасен, кој со своите прашања те насочува сам да дојдеш до одговорите и кој не е воден од лутина или омраза. Ако нешто не можеш сам да го решиш, ако нешто те мачи, ако веќе си разговарал со пријателите и сè уште не ти е подобро, треба да побараш стручна помош. Тоа не е никаков „баук“, туку едноставно разговор – изјави Барбара за српски Телеграф.
Таа искрено призна дека сѐ уште не сака детално да зборува за траумите од бурната врска со Дарко Лазиќ.
-Бев поттикната да кажам еден дел, иако никогаш не планирав јавно да изнесувам детали, и тука ќе застанам, бидејќи сè друго би било изложување на мојот приватен живот пред јавноста, а нема потреба од тоа. Кој сака да разговара со мене и има сличен проблем, може да ми се обрати и ќе се обидам да дадам совет, но јавното навлегување во детали повеќе нема смисла – рекла пејачката.
Како што додала, и натаму се соочува со анксиозни напади.
-Имам моменти на анксиозност, но не сум земала терапија бидејќи се плашам да не станам зависна. Не знам. Ако некому тоа му помага, треба да се користи исклучиво по препорака на лекар, а никако на своја рака – изјави таа за Телеграф.
View this post on Instagram
