Навивачка од Босна и Херцеговина привлече големо внимание за време на натпреварот меѓу Босна и Херцеговина и Канада во Торонто, откако телевизиските камери неколку пати ја прикажаа на трибините, по што нејзините фотографии брзо станаа вирални на социјалните мрежи.
Средбата во Торонто не беше интересна само поради случувањата на теренот, туку и поради атмосферата на трибините, каде особено се издвои навивачка која со својот впечатлив изглед го привлече вниманието на гледачите и онлајн публиката.
Таа пристигнала на стадионот облечена во боите на Босна и Херцеговина, комбинирајќи државни симболи, знаме, капа и модни детали инспирирани од националните обележја. Дополнително внимание привлече и тетоважата со контурите на Босна и Херцеговина и крин, симбол кој често го истакнува и на социјалните мрежи.
Станува збор за Емина Делиќ од Бугојно, магистер по право, која јавноста ја познава и по учеството на избори за убавина. Во 2017 година ја освои титулата „Мис телевоутинг“ на изборот за „Мис Федерација БиХ“, а денес живее и работи во Виена.
За време на натпреварот, телевизиските камери неколку пати ја зумираа, по што фотографиите и видеата почнаа брзо да се шират на социјалните мрежи.
На своите профили, Емина објави серија фотографии од Торонто, каде позира со знамето на Босна и Херцеговина пред стадионот и на трибините, гордо поддржувајќи ја репрезентацијата на својата земја.
View this post on Instagram
