Медиумите во САД пишуваат дека Кевин Костнер можно е да ја напушти популарната серија Јелоустоун, а дека на негово место доаѓа ѕвездата Метју Меконахи.
Тој наводно преговарал со креаторите на популарната серија. Сепак, портпаролот на Paramount Network, од друга страна, се надева дека Јелоустоун ќе ги има двете холивудски ѕвезди, а не дека на сметка на едниот, ќе пристигне друг актер.
„Немаме вести да ви кажеме. Кевин Костнер е сè уште голем дел од Јелоустоун и се надеваме дека ќе биде уште долго време. Благодарение на брилијантниот ум на Тејлор Шеридан, секогаш работиме на проширување на франшизата на овој неверојатен свет што тој го изгради.Метју Меконахи е феноменален талент со кого би сакале да соработуваме“, изјави портпаролот.
Според добро информиран извор, Метју Меконахи и креаторот Тејлор Шеридан сакаат да ги здружат силите на малите екрани и конечно да соработуваат, но официјална потврда нема.
