Благодарение на јајцата на посебна сорта на препелица, неговиот глас е речиси идентичен со оној на почетокот на кариерата, а за лицето користи само креми од манастир.
Легендарниот пејач Здравко Чолиќ (73), за кој многумина велат дека изгледа како момче и во осмата деценија, отсекогаш бил познат по својот дисциплиниран пристап кон животот и здравјето.
Извор близок до пејачот открива дека Чолиќ многу внимава на исхраната, спиењето и физичката активност и дека оваа тројка е клучна за неговиот изглед и виталност.
Менито на исхрана на Чола се состои од правилно одбрани намирници.
– Секое утро го започнува со ритуалот на консумирање мед, лимон и чиа пред појадок. Неговата исхрана се заснова на дозирана конзумација на месо, при што чистото говедско месо е задолжително еднаш неделно, додека другите денови избира пилешко и риба со свежа домашна салата. Посебно е интересно што Чолиќ пие јајца од препелица, користејќи специјална сорта која му помага да го зачува гласот, кој е речиси идентичен со оној на почетокот на неговата кариера – открива упатен извор за српски Курир и додава:
– Кога станува збор за нега на коса, Чолиќ користи боја со природен состав, а редовно ја негува косата со маска од природно маслиново масло. Тој користи и шампон од коприва за миење на косата, додека кожата на лицето ја одржува со природни креми направени во манастир. Важно е да се напомене дека Чолиќ никогаш немал ботокс или други естетски интервенции и е цврсто против исцртување или обликување на веѓите. Покрај исхраната и негата, Чолиќ многу се грижи и за физичката активност. Пешачи преку десет километри дневно и редовно вежба, а неговата посветеност на одржување на виталноста не остана незабележана ниту во медиумите. Исто така, спиењето има клучна улога во зачувувањето на неговата виталност, а во просек спие од седум до десет часа, со задолжителна попладневна дремка.
Здравко Чолиќ е пример како посветеноста на здрав начин на живот може да се одрази на изгледот и виталноста, а неговиот пример инспирира многумина да се грижат за своето тело и дух, без разлика на возраста.
