Една од најпопуларните српски пејачки во моментов, а секако популарна и во регионот, Александра Пријовиќ синоќа одржа концерт во Штарк Арена во Белград, а следуваат уште два концерта, денеска и утре.
Од трите концерти Александра ќе заработи вртоглава сума.
View this post on Instagram
Според пресметките на српските медиуми, откако ќе ги плати сите трошоци и даноци, таа ќе земе 946.206 евра.
Александра, која три пати ќе ја наполни белградската Арена, стана првата натпреварувачка на „Ѕвезде Гранда“ што одржала ваков концерт, но и единствената пејачка која три вечери по ред ќе пее на тоа место.
Според информациите достапни на официјалната веб-страница, капацитетот на Штарк Арена е 19.866 седишта, пренесува Телеграф.
Кога ќе го соберете бројот на седишта на трибините, во партерот и во ложата и ќе го помножите со цените на билетите за тие места, ќе дојдете до цифра од 415.261 евра по концерт. Според тоа, вкупната заработка ќе биде околу 1.245.784 евра за сите три концерти.
Од ваквата вртоглава сума ќе мора да плати данок на државата, што е 41.426 евра по концерт, но и да плати закуп на „Штарк арена“.
Покрај тоа ќе мора да ги исплати и музичарите, танчерите и останатиот дел од екипата која работи на концертот, а на крајот би ѝ останале нешто помалку од милион евра.
