Поранешната ријалити учесничка Ава Карабатиќ била примена во Ургентниот центар откако, според наводи, нејзиниот поранешен вереник ја претепал. Подоцна таа изјавила дека е бремена.
Според српските медиуми, старлетата задобила тешки повреди, а Итната помош ја повикале вработени од козметички салон што таа го посетувала, по што била пренесена во болница.
Таа потоа се огласила за медиумите и зборувала за настанот.
„Точно е дека сум претепана. Но животот е една голема борба. Се случи она што требаше да се случи. Цел ден го поминав во Ургентниот центар… Лицето ми е отечено од едната страна, но животот продолжува“, изјавила таа.
Карабатиќ потоа навела дека конфликтот со нејзиниот партнер Л.З. настанал поради љубомора, и ја споменала бременоста.
„Ова се случува кога некој е љубоморен без оправдани причини… сепак, не сакам да го оцрнам мажот кој ми направи дете. Бремена сум две и пол недели. Но сега ќе излезам посилна од кога било и подготвена сум за нова љубов“, изјавила таа.
