Садетин Саран, турски милијардер, претседател на гигантот Фенербахче, а познат и како поранешно момче на пејачката Емина Јаховиќ е осуден на две и пол години затвор, пренесоа турските медиуми.
Турскиот суд го прогласи за виновен откако беше утврдено дека на платформата Ес Спорт, која работи во рамките на неговата компанија, се емитувала реклами поврзани со нелегални обложувалници.
Пресудата е изречена по големата истрага што минатата есен ја почна Турската фудбалска федерација (ТФФ) за нелегално обложување во домашниот фудбал, пренесуваат турските медиуми.
Многу турски јавни личности се огласија за овој случај и застанаа во негова одбрана, а се поведе дебата за тоа дали е виновен и на социјалните мрежи.
Инаку, Емина и Садетин влегоа во романса по нејзиниот развод од Мустафа Сандал, меѓутоа, таа романса не траеше долго.
Пејачката истакна дека двајцата се возрасни и дека се разделиле како пријатели под најдобри можни услови.
Денес, турскиот милијардер е исклучително активен на Инстаграм, каде што често споделува фотографии од службени патувања, но и од тренинзи, покажувајќи дека изгледа одлично и е во одлична форма за своите години.
