Пејачот Дарко Лазиќ доживеа низа непријатности на својот одмор на Малдиви каде што се наоѓа со сопругата Катарина и ќерката Срна.
Сè започна кога сфатил дека сопругата не му спакувала долна облека, поради што сега е принуден во текот на целиот одмор да ги носи истите гаќи.
Дарко сè сподели со своите следбеници на социјалните мрежи.
„Перам гаќи! Зошто перам гаќи? Затоа што дојдов во нив, а не ми спакува други, и сега секоја вечер перам гаќи за да можам да ги носам утре. Како во војска… Едни гаќи носам седум дена!“ – зборуваше луто Дарко додека ја переше долната облека во бањата.
Катарина сподели фотографија од дворот и покажа дека боксериците се сушат на сонце.
„Не се шегуваше“ – напиша таа со емотикони кои плачат од смеа.
Да потсетиме, Дарко Лазиќ со сопругата Катарина и ќерката Срна сè уште се наоѓаат на Малдивите, каде што, поради ситуацијата на Блискиот Исток и привременото затворање на воздушниот простор, се принудени да го продолжат својот престој.
