Блејк Лајвли се соочува со сериозни критики во рамки на филмската индустрија по тужбата против Џастгин Балдони. Според извори од холивудските кругови, нејзината кариера трајно е нарушена поради имиџот на „тешка“ соработничка.
Неименуван висок извор од „Дизни“ тврди дека актерката Блејк Лајвли во Холивуд никој не ја жали, бидејќи со години градела репутација на токсична личност која „секогаш знае најдобро“. Иако правната битка со Џастин Балдони, колега од филмот „Приказната завршува со нас“, продолжува, јавниот имиџ на поранешната ѕвезда од „Озборувачка“ сериозно е разнишан пред судењето закажано за мај.
Обвинувања за токсичност и тешка природа
Инсајдер кој наводно соработувал со 38-годишната актерка изјавил за Daily Mail дека Лајвли никогаш не била толку популарна во индустријата колку што изгледало во јавноста. „Оваа тужба ја уништи. Вистината е дека имаше репутација на комплицирана личност, една од оние токсични луѓе кои мислат дека се најпаметни“, навел изворот, додавајќи дека холивудските моќници не пролеваат солзи поради нејзината моментална ситуација.
Лајвли го тужела Балдони во декември 2024 година, наведувајќи инциденти на сексуално вознемирување и одмазда за време на снимањето на филмот. Балдони ги отфрлил сите обвинувања и возвратил со противтужба тешка 400 милиони долари, која во јуни сепак била отфрлена.
Судски епилог во мај
Со неодамнешна судска одлука биле отфрлени обвиненијата на актерката за сексуално вознемирување. Судот пресудил дека тие точки не можат да се процесираат бидејќи Лајвли на проектот била ангажирана како „независен изведувач“, а не како вработена. Преостануваат три точки од тужбата кои вклучуваат наводна одмазда и кршење на договор.
Правниот тим на актерката истакнува дека отфрлањето на дел од тужбата не значи дека обвинетите не направиле ништо погрешно, туку дека станува збор за правна квалификација на нејзиниот статус. Од друга страна, адвокатите на Балдони изразиле задоволство што судот ги отфрлил најтешките обвинувања по ревизија на обемни докази. Бидејќи не е постигната спогодба, двете страни ќе се соочат на суд на 18 мај.
