Познатиот композитор Горан Ратковиќ Рале, кој успешно закрепнува по тешката операција на срцето, своевремено откри неверојатен детал од својот однос со Саша Поповиќ и моментот кога за малку ќе го чинело кариера.
Во периодот на најголемата слава, кога неговите хитови се вртеа на сите радио станици, Рале признава дека воопшто не знаел да ракува со парите. Трошел неконтролирано, ги честел сите околу себе и често позајмувал суми за кои не водел евиденција.
Шокантна сума на лист хартија
Рале откри дека во тој период редовно земал пари од Поповиќ – суми кои се движеле од 500 па до вртоглави 20.000 евра дневно. Еден ден, Саша дошол кај него со лист хартија на кој биле прецизно запишани сите позајмици. Кога ја видел крајната сума, композиторот останал без зборови, му должел дури 68.000 германски марки.
Наместо кавга или притисок за враќање на парите, Поповиќ направил гест што Рале ќе го памети додека е жив.
„Ми рече: ‘Не ми должиш повеќе ништо, ти го простувам долгот, но немој повеќе никогаш да си ми побарал ниту една марка!’. Јас го молев да не го прави тоа, му велев дека ќе му ги вратам парите со работа за само еден месец, но тој не сакаше ни да чуе“, раскажува Рале.
Сметки во кафеана од по 10.000 марки
Причината за ваквиот финансиски колапс на Рале била неговата желба да им помага на сите. Како дете кое сонувало само да може секој ден да јаде месо, кога почнал да заработува милиони, парите ги делел „на шака и капа“.
Покрај неговото студио имало кафетерија каде што сите јаделе и пиеле на негово име, па месечните сметки што ги подмирувал достигнувале и до 10.000 марки. Тој тогаш верувал дека парите му се дадени од Бога за да ги сподели со другите, сè додека Саша Поповиќ не му ја одржал најважната лекција за дисциплина и финансии.
