Надица Адемов празничните денови ги поминува во кревет со својата ќерка, надевајќи се дека двете ќе се опорават од вирусот кој зафати многумина. Пејачката се фотографираше со својата ќерка и испрати јасна порака дека сака што побрзо да влезе во 2026 година.
„Настинка, температура, носенце, кашлица… Аман, ќе заврши ли веќе оваа година?“ – напиша Надица на својот Инстаграм профил.
Инаку, Надица неодамна за „Скандал“ зборуваше за прекинот на пријателството со Александра Пријовиќ.
„Мене ме прашаа милион и еден пат зошто, а неа никогаш. Тоа прашање е повеќе за неа отколку за мене, бидејќи јас не се оддалечив од неа. Неколку месеци по нејзиниот раскин со Љуба, тоа едноставно се случи, одеднаш. Никогаш не сум ја озборувала, ниту пак сум слушнала дека таа мене ме озборувала“, изјави Надица, па додаде:
„Не ја ни повикав, јас не сум таков тип. Особено ако знам дека за нешто не сум виновна. Јас се повлекувам на страна и ако некој има нешто да ми каже, би сакала да ме повика и да ми каже како стојат работите, а не едноставно да се тргне и како… ништо да не се случило.“
Надица истакна дека многу ѝ е жал што повеќе не комуницираат:
„Жал ми е, бидејќи навистина бевме блиски. Би лажела ако кажам поинаку, а и таа тоа го знае. Нашата последна средба беше на свадбата кај Каќа Грујиќ, кога ми рече: ‘Многу ми е драго што си среќна, што конечно си нашла некој што те сака и почитува.’ Значи, сосема нормален однос – никој не би рекол дека сме се оддалечиле“, заклучи пејачката.
