Пејачката Нада Топчагиќ призна дека минува низ тежок емотивен период по смртта на нејзините колеги Маринко Роквиќ и Саша Поповиќ.
Таа откри дека овие загуби силно влијаеле врз неа и дека кај неа се појавил страв од сопствената смрт. Пејачката се присетила дека во минатото заедно со Роквиќ и Поповиќ гостувале во една емисија, што денес дополнително ја вознемирува.
„Не можам да сфатам дека Саша го нема. А знаете од што се плашам? Да не бидам јас третата. Маринко Роквиќ, Саша, па јас… не знам“, изјавила таа.
Топчагиќ призна дека стравот толку ѝ се засилил што избегнува дури и да се соочи со сопственото здравје. Иако направила медицински прегледи, веќе една година не ги подигнала резултатите.
„Бев на гастроскопија и колоноскопија, но не отидов да ги земам резултатите. Се плашам што ќе ми кажат“, открила пејачката.
И покрај тоа што во кариерата заработила многу, таа вели дека никогаш не била расипничка. Пејачката поседува неколку куќи, а признава дека знаела да собира корисни предмети што луѓето ги оставале покрај контејнери.
„Секогаш добро сум заработувала, но никогаш не сум се расфрлала со пари“, истакнала Топчагиќ.
