Познатиот инструктор по медитација Роберт Пајпер кога имал 18 години доживеал сериозни животни неволји. Здравјето му било нарушено, а поради тоа секако, страдала и неговата ментална состојба, пренесува „Стил“.
Иако му се чинело дека нема излез од таа ситуација, со последната тронка волја почнал да учи за медитација и општи работи со помош на монах. Благодарение на лекциите што ги научил од него, неговиот живот се променил од корен.
Што тогаш го научил монахот? Што е тоа што засекогаш му го променило животот? Пајпер денес живее според овие принципи и вели дека никогаш не бил посреќен.
Никогаш не престанувајте да се обидувате
„Никогаш не се откажувај!“. Без разлика што се случува во вашиот живот, без оглед на околностите, продолжете да се обидувате. „Трпение и издржливост. Сè на крајот ќе си дојде на свое!“
Сите одговори се во нас
Во животот, вие сте одговорни за сè. Никој нема да го живее животот место вас или да ги реши вашите проблеми. За да уживате во некои работи, мора прво да се потрудите. „Потпрете се само на своите способности!“.
Без пораз нема успех
Без пад, нема доволно да го цените успехот. Секој во животот мора да помине низ лоши животни фази. „Гледајте на нив како сериозни животни лекции и не дозволувајте да ве успорат“.
Никогаш не се споредувајте со другите
Секој е индивидуа за себе и секој има уникатни квалитети. Никогаш нема да стигнете далеку доколку се споредувате со другите.
Немаме поголем непријател од нас самите
Никој не може да не забави на патот кон успехот од нас самите. Ако ние не веруваме во себе, никој друг нема да верува. Опкружете се со позитивни мисли и смело чекорете кон целта. Сите пречки се во нашата глава. „Секој од нас може да постигне се што ќе замисли само ако се осмели да тргне кон целта“.
Среќата е во нас
Сами ја создаваме среќата. Ако не се потрудиме да создаваме, никој нема да го направи тоа наместо нас.
