Лепа Брена влезе во Новата 2026 година со спектакуларен концерт во Тиват. За 2026 година им порача на сите да размислуваат за богатство бидејќи, како што вели таа, не се може без пари.
Брена, која по нејзината снаа Александра Пријовиќ имаше највисок хонорар на приморјето, се појави на сцената во црвена наметка од пердуви, со која ги воодушеви сите присутни, а потоа се пресоблече во интересна сина комбинација во која доминираше крзнено палто и светкави панталони.
Пред настапот, таа откри каква ѝ била 2025 година и што очекува од 2026 година.
– За мене, 2025 година беше како претходните 40 и неколку години во кои пеев. Јас сум личност која сака да ги прави луѓето среќни. Кога ја гледам радоста на нивните лица, тоа ми дава животна енергија. Тоа е мојата карма. Во 2026 година, им посакувам на сите добро здравје и се трудам да развијам добра, работна и креативна енергија. Внимавајте што посакувате, можеби ќе се оствари. Мислете на убави работи и на богатство, без пари не се може – заклучи Лепа Брена.
