Српската пејачка Милица Тодоровиќ стана мајка пред нешто повеќе од еден месец. Пејачката вечерва првпат по породувањето настапила како специјален гостин на концертот на хрватската пејачка Индира Левак.
Милица повторно застанала пред своите обожаватели, настапувајќи како специјален гостин на музичкиот спектакл на пејачката Индира Левак. Атрактивната Милица излегла на сцената беспрекорно облечена, додека публиката ја поздравила со громогласни овации.
Со насмевка на лицето и во одлично расположение, таа им се обратила на присутните и открила дека нејзиниот голем сон се остварил. По тој повод, Милица Тодоровиќ рекла: „Морам да кажам дека ми е големо задоволство што вечерва сум твој гостин, ми се исполни големата желба да бидам со тебе на сцената“.
