Многу јадења што ги подготвуваме бараат пржење во помала или поголема количина масло. Сепак, прашањето е што да се прави со остатокот од маслото по готвењето?
Повеќето домаќинки, по пржењето, маслото го истураат во мијалник или тоалет. Сепак, ниту една од овие две опции не е добра од две причини. Имено, постои сериозна опасност поради хемиски процеси со други соединенија, оваа маст да се претвори во наслаги и да предизвика запушување.
Друга причина е загадувањето на водата, што остава многу поопасни последици на долг рок. Мала количина на искористено масло може да загади огромни количини на вода, што е вистинска катастрофа за реките во кои се слева канализацијата.
Како да се ослободите од искористеното масло?
Ако има многу малку масло во тавата, соберете го со хартиени крпи и фрлете го во ѓубре. Ако има поголема количина масло по пржењето, почекајте добро да се излади, а потоа префрлете го во пластично шише, кое добро ќе го затворите за да не истече маслото, и фрлете го во канта за отпадоци.
