На 7 март, во Сава центар Марија Шерифовиќ го одржа својот втор концерт по ред, а меѓу првите пристигна Јована Пајиќ, која проговори за пехот што ѝ се случи на Марија претходната вечер. Таа откри и зошто не била покрај Марија, па напомена дека пејачката многу работи ги држела во тајност од неа.
– Вечерва сум тука, некако стана традиција. Некој вид нормала. Синоќа беше работен ден, како што е и утре, а ова е единствената прилика кога можам да бидам во „Другата страна на плочата“. Не знам каква е програмата, сè го држеше во тајност. Успеав да одолеам да не ги гледам социјалните мрежи.
Со оглед на тоа дека е 8 Март, Меѓународниот ден на жената, Јована ја прашаа дали го слави и дали ќе добие подарок.
– Јас ни не знаев дека е 8 Март, фала на информацијата. Искрено, не сум некој фан на тој датум.
Ни подароци, вели, не памети.
– Нема ни најдобар ни најлош, едноставно не паметам. Обично тоа е некое цвеќе.
На прашањето дали престанала да го слави 8 Март по разводот, Јована искрено одговори:
– Никогаш не сум била фан на тој датум. Убаво е кога некој ќе покаже внимание, но не мора датумот да ја одредува таа внимателност.
Марија, пак, не сака премногу да ја испрашува, а по првиот концерт ѝ поставила само едно прашање.
– Само ја прашав како било, а таа ми рече да ја оставам да ѝ се слегнат впечатоците. Денес беше навистина задоволна. Не навлегувавме во детали, не сакав премногу да ја испрашувам за да не нарушам ништо. Таа е како војник, но првиот концерт секогаш е најтензичен. Ако завесата беше најголемиот проблем, нека така и остане.
