Невработен маж на 26 годишна возраст кој е приведен упатил смртни закани на италијанската премиерка Џорџа Мелони и нејзината шестгодишна ќерка на интернет.
Причина за заканите е незадоволството од владиниот план за укинување на субвенциите за борба против сиромаштијата, соопшти полицијата.
Против заканувачот, како што информираа медиумите во Италија е покрената истрага, претресена е неговата куќа и затворен е неговиот профил на социјалната мрежа „Твитер“.
Италијанската премиерка секогаш ја критикуваше програмата, која беше воведена во 2019 година, тврдејќи дека луѓето во работоспособна возраст не треба „засекогаш да живеат од државна помош“.
