Меган Маркл живее во Монтесито (Калифорнија) со Хари и нивните деца. Таа сака луксуз и удобност, а тоа веќе добро го знаат и жителите на Монтесито кои ѝ дадоа посебен прекар.
Мегзит означи точка од која нема враќање во историјата на британското кралско семејство. Заминувањето на принцот Хари од кралската сцена сериозно ги загрози односите со другите членови на семејството, но тој, добро свесен дека ќе наиде на нивно неодобрување, ја избра љубовта. Војводата од Сасекс пред две години со сопругата Меган Маркл и малиот Арчи се пресели во Калифорнија, во Монтесито, збогувајќи се со обврските, но и со привилегиите на својата улога на принц. Сега неговиот живот е многу поинаков: без бонтон, без формалности, многу порелаксирано од животот во Бакингемската палата. Но поранешната актерка никогаш не била навистина прифатена покрај Хари, никогаш не била омилена или некогаш уживала вистинска почит и љубов од кралското семејство. Меѓу дугото тоа се должи и на нејзиниот специфичен карактер кој не остана незабележан ниту од граѓаните на Монтесито, кои ѝ дадоа прекар.
Воопшто не е мистерија дека војвотката од Сасекс сака луксуз. И не случајно мештаните ја нарекоа „принцезата од Монтесито“ бидејќи постојано ја гледаат како влегува во својот дом со кеси полни со скапа облека, накит, а и секогаш ги одбира најлускузните ресторани кога станува збор за ручек или вечера, избирајќи ги и најдобрите гурмански кујни и најдобрите готвачи, пренесува „Клозер“.
Но иако новиот прекар на Меган звучи убаво – принцезата од Монтесито, тој не е измислен во позитивна конотација, туку напротив.
Имено и самите богати соседи на Меган и Хари веќе забележале дека несудената принцеза сепак, сака да го задржи истиот однос кон сограѓаните каков што имала кон своите слуги и поданици во кралската палата.
Не е познато дали таа го одбира друштвото или тоа неа, ама секако дека освен со сосетката Опра, „принцезата од Монтесито“ нема изградено позитивни релации со соседите.
