Принцот Хари и Меган Маркл ќе бидат студено пречекани од високи членови на британското кралско семејство доколку војводите одлучат да присуствуваат на крунисувањето на Чарлс Трети. За ова пишува Дејли Мејл, повикувајќи се на кралски извор.
„Многу роднини ќе ги третираат студено. Еден од нив ми рече: „Се надевам дека ќе ги седнат на Исланд“. Повеќето од семејството едноставно не сакаат да имаат никаква врска со нив. Ако треба да ги видат на крунисувањето, тогаш нека биде така, но тие не сакаат да комуницираат со нив“, изјави извор од кралското семејство.
Војводата и војвотката од Сасекс, кои неодамна добија покани за крунисувањето на Чарлс III во мај, сè уште ја разгледуваат можноста да присуствуваат на настанот.
Неодамна беше објавено дека Меган Маркл и принцот Хари нема да се појават на балконот на Бакингемската палата доколку одлучат да присуствуваат на крунисувањето на Чарлс Трети.
Чарлс ќе биде официјално крунисан на 6-ти мај. На овој датум, синот на војводите од Сасекс Арчи ќе наполни четири години.
