Претставникот на Србија на Евровизија, Лук Блек реши да ја откаже пробата поради трагедиите кои изминатиот период се случија во Србија.
– Во мојата земја се случи страшна, ужасна трагедија. Бев длабоко потресен кога ги слушнав таквите грозни вести. Толку бев згрозен од тоа што го слушнав па поради шок ја откажав својата евровииска проба. За мене беше незамисливо да пеам во време кога лекарите се борат за детски животи, додека родителите ги оплакуваат своите деца – изјави тој за „Вечерњи лист“.
Младиот музичар од Србија додаде дека во таква ситуација не може да биде среќен и весел како обично.
– Моите мисли се со жртвите, нивните семејства, оние кои ги сакаа“, додаде тој. Во спомен на жртвите, тој носеше црна панделка на кошулата, а остатокот од неговиот тим се појави во црни костуми.
View this post on Instagram
30-годишниот пејач на Евровизија ќе ја изведе песната „Само ми се спава“.
Претходно, за време на гостувањето во „РТС“, Лук откри за што зборува песната.
– Ја опишува мантрата на народот, односно на нацијата, која ги затвора очите пред проблемите и опишува дека луѓето треба да се разбудат. Треба да го победиме злото што расте кога ги држиме очите затворени – рече тој.
Некои оваа изјава ја протолкуваа како критика на политичкиот режим во Србија.
