Министерката за надворешни работи Лиз Трас е кандидатка за премиер. „Ќе го пораснам приватниот сектор побрзо од јавниот сектор, со долгорочен план за намалување на даночното оптоварување“, објасни таа.
„Се соочуваме со големи предизвици дома во услови на светска економска криза. Се соочуваме и со големи предизвици во странство од агресијата на Русија и сè поодлучната Кина“, напиша таа. – Остануваат помалку од две години да се подготвиме за следните избори. Ќе биде тешко соочување, но може да се добие со исполнување на ветувањата кон Британците. Се кандидирам затоа што можам да водам луѓе, да одржувам ветувања и да донесувам големи одлуки“.
🔴 Foreign Secretary pledges to reduce taxation ‘from day one’ as PM, putting her in direct contrast with former chancellor https://t.co/H8uBeEVqI9
— The Telegraph (@Telegraph) July 10, 2022
Трас вели дека од првите денови на нејзината премиерска функција ќе ги намали даноците и за населението кое страда од наглиот раст на цените и за бизнисите кои мора да останат конкурентни. Таа, исто така, изјави дека е неопходно целосно да се искористи Брегзит, да се намали големината на државниот апарат и да се напушти практиката на прекумерно мешање на државата во животите на луѓето.
Шефицата на МНР е еден од најжестоките критичари на постапките на Русија во кабинетот на Борис Џонсон, кој на 7 јули објави дека ќе ја напушти премиерската функција.
Трас и британскиот министер за одбрана Бен Валас се сметаа за фаворити во трката за премиерската функција, но на 9 јули Валас објави дека нема да учествува во внатрепартиската изборна кампања.
