Никогаш не сум можел да замислам дека моите концертни денови ќе завршат на ваков начин. Оваа тажна порака на социјалните мрежи ја напиша легендарниот Ози Озборн кој објави дека се повлекува од турнеите.
Пејачот на „Блек Сабат“ им кажа на своите фанови дека тешко заздравува од повредата на ‘рбетот од 2019 која му ги влошила повредите здобиени во несреќа во 2003.
„Мојот глас е во ред. Сепак, по три операции, третмани со матични клетки, бескрајни сесии на физикална терапија и еден најнов револуционерен третман, моето тело и натаму е физички слабо“, изјави Озборн.
Музичарот ги откажа сите концерти од прошталната европска турнеја, кои требаше да продолжат во мај.
