Британската актерка Андреа Рајсборо сепак нема да остане без номинација – Академијата за филмска уметност и наука нема да ја елиминира во номинацијата за Оскар и покрај кампањата за нејзиниот филм „За Лесли“.
Оваа актерка доби номинација за најдобра актерка откако за неа лобираа бројни актери и актерки од холивудската А-листа, при што некои организираа и приватни проекции на филмот.
Оскаровската академија испита дали со ваквата кампања биле прекршени нејзините правила и заклучи дека „тоа не било издигнато на такво ниво за Рајсборо да биде дисквалификувана“ и дека актерката не направила ништо погрешно.
„За Лесли“ е нискобуџетна драма која кога излезе, заработи само 27.000 долари во кината. Рајсборо глуми мајка алкохоличарка која мора да преживува откако потроши голема добивка од лотарија.
