Кралот Чарлс Трети (75) ќе престојува во болницата за корективна процедура за зголемена простата, а информацијата ја сподели Бакингемската палата.
„Состојбата на неговото височество е бенигна и тој ќе ја посети болницата следната недела за корективна процедура. Јавните настапи на кралот ќе бидат одложени за краток период на закрепнување“, се вели во соопштението.
Монархот сакал да сподели детали за неговата дијагноза за да ги охрабри другите мажи кои можеби имаат слични симптоми и да се тестираат во согласност со препораките за јавното здравје.
Според веб-страницата на Националната служба за јавно здравство: „Бенигното зголемување на простатата бара медицински термин за зголемена простата, а станува збор за состојба која може да влијае на мокрењето. Често се појавува кај мажи над 50 години. Тоа не е рак, туку болест која обично не го нарушува здравјето сериозно.“
Чарлс последен пат беше виден во јавноста на 14 јануари, кога присуствуваше на црковна служба со кралицата Камила во Крејти Кирк, во близина на Балморал.
