Пејачката Марија Шерифовиќ доби наследник, а бременоста ја износи сурогат мајка.
Детето е родено во клиника во Лос Анџелес, а јавноста почна да шпекулира кој е таткото на детето.
Марија вели дека нејзиниот пат од желбата да има свое дете до доаѓањето на бебето бил долг, но дека го поминала бидејќи имала голема желба да биде мајка.
– Пред две години поминав низ процес на вадење на моите јајце клетки и потоа создавање на ембрион. После сите тие генетски тестови, дознав дека имам три здрави ембриони. Така се роди Марио – изјавила пејачката, а не сакала да го открие идентитетот на таткото.
– Поради договорот за приватност не можам да ги споделам сите информации, но она што можам да го кажам е дека кога ќе дојде време, Марио ќе знае се за тоа – изјави Шерифовиќ за српските медиуми.
