Странските медиуми јавуваат дека Кејт Мидлтон претходната вечер ја поминала во многу тажна состојба поради целата јавна бучава по операцијата и фотографијата што ја објави.
На принцезата од Велс ѝ е тешко да се справи со притисокот на јавноста по операцијата, особено по реакциите што ги доживеа за фотошопираната фотографија што ја објави на Денот на мајката. Според пишувањата на странските медиуми, по вчерашното извинување и самото признание дека фотографијата е фотошопирана, таа паднала во очај.
Кејт, изјави извор за Сан, е „многу, многу тажна што среќната семејна фотографија во чест на Денот на мајката предизвика таков глобален бес“.
View this post on Instagram
Принцезата беше жестоко критикувана, а дури се појави и хаштаг „Каде е Кејт“, бидејќи теоретичарите на заговор се сомневаат дека нешто многу посериозно се случува зад сцената, а фотографиите кои се појавуваат само долеваат масло на огнот.
Како што беше најавено во официјалното соопштение од Бекингемската палата, принцезата треба да се врати на службените обврски по Велигден, но сега тоа е одложено за јуни. Ова е уште една причина зошто многумина се сомневаат во вистинската причина за операцијата на принцезата и за текот на нејзиното закрепнување.
