Сите зборуваат за еден необичен детаљ во облеката на Катарина Ивановска, која гостуваше во поткастот „Урок“ со стилистот Сергеј Варошлија.
Имено, нашата позната манекенка и топ модел во поткастот се појави без чевли, поточно ги соблече за да се чувствува поудобно. Па така, на инстаграм-профилот на „Лазаров поткаст“, има коментари на сметка на опуштениот изглед на моделот, а еден гласи:
„Каде ѝ се чевлите на манекенкава? Во емисија невкусно е без чевли вака. Веќе кога Сергеј навредува жени, оваа е баш антипатична дрпаница“.
Но, повеќето не се согласија со овој коментар и ги пофалија убавината на Катарина и приказните кои ги раскажа.
Една од приказните е за нејзините родители и за тоа колку се горди на неа.
– Многу се горди. Татко ми малку е затворен и никогаш тоа јавно не го кажува. Мајка ми рече кога бев во Њујорк: „Леле Кики, тато вика: ‘Вера, со што го заслуживме ова, ќерката вака нас да нѐ шета секаде, и сè што ќе посакаме да имаме’.
Или на пример татко ми мене ме караше: „Ти не учиш, види ја сестра ти, најдобар студент, најдобар ученик“. А нејзе маста ѝ ја вадеше: „Ти не учиш!“ Значи, таков му беше методот на воспитување, никогаш да не ти признае“, рече Катарина.
