Модната дизајнерка и поранешна сопруга на Харис Џиновиќ, Мелина, ќе го каже судбоносното „да“ на британскиот бизнисмен Џефри Пол Арнолд во луксузниот Монако.
Венчавката се одржува во строга тајност пред околу стотина гости, а како што пренесуваат медиумите, семејството е поделено околу новиот животен чекор на Мелина.
Ѓина е поддршка, Кан не сака ни да слушне
Додека ќерката Ѓина веќе пристигна во Монако за да биде покрај својата мајка во овој важен момент, нејзиниот брат Кан наводно одбил да присуствува. Односот помеѓу Мелина и нејзиниот син е сериозно нарушен по разводот од Харис.
Харис Џиновиќ претходно во една прилика откри дека Кан со месеци немал никаков контакт со својата мајка.
„Знам дека Кан не се слушна со неа скоро два месеци. Ни пораки, ништо. Таа прво му беше лута нему, а потоа на детето му ‘пукна филмот’ и рече чао, догледање“, изјави Харис за медиумите пред извесно време.
Свадба во голема тајност
Мелина, која сега се презивува Галиќ, се повлече од јавноста по бучниот развод, а нејзиниот нов сопруг е влијателен британски претприемач. Иако семејната драма продолжува да ја тресе естрадата, дизајнерката одлучи својата среќа да ја побара далеку од Балканот, во прегратките на Арнолд.
