Српскиот пејач Ѓорѓе Давид ја опишал најнепријатната ситуација што ја доживеал неодамна. Како што рекол, немал намера да ја навреди девојката што дошла во инвалидска количка, но нејзиниот седечки став не покажувал дека не може да стане, пишува српски „Блиц“.
Ѓорѓе Давид бил на еден јавен настан каде што доживеал многу непријатна ситуација. Ја замолил девојката да се помести од неговото место, а потоа сè тргнало во погрешна насока.
– Ја гледам девојката што седи на моето место и ѝ велам: „Извинете, ве молам, ова е моето место“, вели таа „само секунда“. Јас продолжувам: „Ве молам побрзајте, немојте само секунда. Зошто седнавте на моето место?“ Таа ме моли да почекам само една секунда. Јас стојам, таа го држи телефонот и се јавува на некого, му раскажува дека тоа не се нивните места, туку на другата страна. Дали таа личност отишла да чека некого, не е ниту важно. И ми вели дека ќе дојдат сега. А јас ѝ одговорив: „А извини, не разбирам. Што си ти, неспособна? Дали ти требаат кранови за да те префрлат на другата страна?“ – рекол Давид и го опишал моментот поради кој останал без зборови:
– Таа ме погледна и рече: „Јас се извинувам, јас сум инвалид“. И беше мошне голем срам во секој случај. Јас тоа не го знаев, ниту можеше да се види од начинот на кој седеше на столчето. Буквално клекнав до неа и реков: „Длабоко ти се извинувам, можам ли некако да ти помогнам?“ Таа вели дека не ѝ треба помош, ми покажува и каде ја ставиле количката. Откако ја треснав глупоста, ѝ реков дека сè е во ред и дека треба да остане да седи таму, а дека јас ќе одам на другата страна. Значи, бев целосно изгубен, не знаев каде одам. Се засрамив, но подоцна се обидов да најдам оправдување за себе. Таа е прекрасно дотерана девојка од околу 30 години. Ако некогаш го види ова, јавно ѝ се извинувам, за жал, тоа не можев да го заклучам – рекол Ѓорѓе Давид на гостувањето на „Адрија ТВ“.
