Водителката Јована Јеремиќ отворено зборуваше за врската со својот партнер Милош Стојановиќ, познат како Тигар, откривајќи дека тој е љубоморен и посесивен, поради што тешко го поднесува периодот на изолација пред борбите.
Таа вели дека пред секој меч му дава ист совет.
„Му велам да се концентрира на борбата и да не размислува каде сум и што правам, бидејќи Милош е прилично посесивен маж. Му велам: „Љубов моја, немој да мислиш каде сум јас“. Неговиот карантин мене ми одговара петпати повеќе отколку нему. Тој постојано има проблем кога е во карантин. Јас или читам или тренирам, трета опција нема. Мене навистина не ме интересираат мажите. Јас мажи и не забележувам сè додека не се појави некој навистина квалитетен, а моите критериуми се многу високи“, изјави Јеремиќ.
Таа додаде дека жена како неа не бара обичен партнер, туку личност која може да ѝ парира.
„На жена како мене не ѝ треба маж, туку шампион. Жена која има толку силна енергија, која постигнала многу во животот и заработува повеќе од 90 проценти од мажите во Србија, не бара обичен маж. Или шампион или подобро е да биде сама“, рече таа.
Јована истакна дека Милош позитивно влијаел врз неа и дека поради него направила значајни промени во животните навики.
„Зарем не се гледа? Никогаш не сум изгледала подобро. Многу влијаеше на мојата дисциплина. Има нешто што не го знаеш – престанав да пијам алкохол. Никогаш не сум пиела многу, но сакав една чаша просеко, тоа ми беше омилениот пијалак. Сепак се откажав и од тоа. Тоа е доказ. Кога жена која најмногу на свет сака просеко ќе се откаже и од таа една чаша дневно заради физичкиот изглед и психолошкиот мир, тогаш тоа нешто значи“, објасни водителката.
Таа нагласи дека престанала да консумира и шеќер, а потоа низ шега се осврна на познатата изјава на пејачката Дара Бубамара.
„Погледнете ми ја кожата. Немам ни грам целулит. Престанав да јадам шеќери, само љубов и интимност. Дара Бубамара вели од четири до седум. Е, моја Даро, кај мене е од девет до девет, од маса до кревет. За нас двајца времето застана“, изјави Јована низ смеа.
