Седма година по ред, традиционално во Хрватска се одржа концерт во чест на легендарниот Оливер Драгојевиќ, кој почина во 2018 година.
Српската пејачка Марија Шерифовиќ била меѓу публиката и ги сподели своите емотивни впечатоци на социјалните мрежи.
Таа откри дека со ова исполнила голема желба за себе, истакнувајќи дека Оливер никогаш не ги напуштил срцата на публиката.
– Сите имаме своја листа на желби. Некои големи, некои сосема мали. Јас синоќа една прецртав – напишала таа и додала:
– Сакав да почувствувам како изгледа љубовта што еден град и еден народ ја чуваат кон својот уметник. Да ја вдишам таа енергија, таа почит и таа емоција што не исчезнала дури ни по сите овие години – пишува Марија и додава:
– Не дојдов да го слушам концертот. Дојдов да разберам зошто постојат луѓе кои никогаш навистина не си заминуваат. Сега разбирам.
Марија го поминува целото лето крстарејќи по Јадранот со своите пријатели и синот Марио, а откако уживаа во Црна Гора, се преселија во Хрватска.
