Рускиот топ модел Ирина Шајк не остана воздржана по прашањето за агресијата врз Украина и веќе неколку пати на социјалните мрежи се огласи на таа тема.
Иако со години живее и работи во САД, Ирина Шајк будно ја следи руската агресија врз Украина и се обидува да помогне, но апелира и до другите да се вклучат во помошта.
Убавата Русинка со потекло од Јеманжелинск не го поддржа претседателот Путин кој пред една недела изврши инвазија врз Украина, туку жестоко ги осуди војната и сите видови насилство.
„Не за војна. Ќе донирам за Уницеф и за Црвениот крст на Украина, а вие погледнете ги моите објави со линковите за донација. Донирајте колку што можете. Се молам за мир во светот“, напиша таа под нејзината последна објава дополнета со симбол што означува мир.
Ова не е прв пат познатата убавица да се огласи во врска со војната. Меѓу другото, таа изјави дека не може мирно да спие, да работи и да функционира додека се случуваат вакви работи.
Покрај Ирина Шајк, и руските манекенки Викторија Одинцова и Елена Перминова на социјалните мрежи повикаа на престанок на војната и објавија црни фотографии на нивните профили.
View this post on Instagram
