Рокерот и член на жири на „Ѕвездите на Гранд“, Ѓорѓе Давид, уште додека Бора беше во болница на лекување, проговори за легендарниот музичар и опиша каква била нивната последна средба.
Потсетуваме, Бора Ѓорѓевиќ почина денеска во болница во Љубљана.
– Бора е вечен со се што направил во животот. Секогаш ќе биде присутен меѓу новите и старите генерации. Тој за мене е личност за радување, но човечкиот живот има времетраење. Жал ми е што е тоа мака, бидејќи мислам дека тој како човек кој воспитуваше генерации не заслужил да се мачи. Тој е меѓу моите пет ментори, беше најхрабар, ми даваше најмногу поддршка и критики – изјави Ѓорѓе Давид пред Бора да почине.
– Јас сум единствениот што доживеа да биде придружен вокал на „Рибља чорба“, но и „Рибља Чорба“ да ми биде придружен вокал. Мене ми е срам што знам дека луѓето објавуваа негови некролози додека беше жив – додава рокерот.
Потоа раскажа една анегдота.
„Чачак сакаше да му даде награда на Бора, а тој ми се јави да дојдам да бидам тука. Јас него тогаш го видов како плаче, а пред тоа никогаш него не сум го видел да плаче, тоа ми беше чудно. Тој беше толку среќен што ја доби таа награда. Плачеше, а доби аплауз што го воодушеви. Тој не можеше да стои на бината од толку емоции. Тогаш последен пат го видов“, рече Давид за „Стори“.
