Актерот Жарко Лаушевиќ неодамна поради проблеми со белите дробови заврши во болницата во „Бежанијска коса“, а по неколку дена беше пуштен на домашно лекување.
Режисерот Радош Бајиќ сега на прес-конференција проговори за состојбата на Жарко и како што рече, уверен е дека ќе најде сила и ќе победи.
– Лаушевиќ е силен човек, паметен, психички многу силен. Таков е животот, понекогаш се појавуваат неволји и проблеми. Сериозно се занимава со својот проблем, редовно се слушаме. Го молам Бога и убеден сум дека ќе најде сила и ќе победи – изјави Радош Бајиќ.
Да потсетиме, како што тогаш пишуваа српските медиуми, Жарко Лаушевиќ беше итно хоспитализиран. Актерот потоа беше примен во КБЦ „Бежанијска коса“, каде за него се грижеа голем број лекари.
Жарко Лаушевиќ тогаш беше подложен на испитувања, а извор близок на актерот рече дека без разлика на ситуацијата, Лаушевиќ не сакал да го пропушти продолжението на снимањето на серијата „Калкански кругови“ во текот на летото, на која работел во Аранѓеловац.
