(ГАЛЕРИЈА) ЕСЕНСКИ ГЛАМУР НА МЕТ ГАЛА: Ѕвездите во највпечатливо издание досега

Иако традиционално се одржува на првиот понеделник во мај, гламурозната Мет Гала поради пандемијата на коронавирусот, го доживеа своето прво есенско издание.

Армијата славни личности повторно прошетаа по црвениот тепих на музејот „Метрополитен“ во Њујорк.

Оваа година главната тема беше да бидат облечени на тема „Во Америка: Лексикон на модата“.

Како и секое претходно издание на најгламурозната вечер во историјата, славните личности беа во буквална трка на оригинални модни изданија.

Престижниот моден настан кој традиционално го организира списанието „Вог“ собра многу познати личности од светот на модата и шоу -бизнисот.

Ким Кардашијан се појави на црвениот тепих во непрепознатливо издание – целосно „завиткана“ во црно. За разлика од голите изданија на кои сме навикнати, оваа година Ким не покажа ниту милиметар кожа.

Додека нејзината сестра Кендал Џенер воодушеви со својата уникатна кристална креација на „Живанши“ која го истакна нејзиното витко тело.

Актерот Тимоте Шаламе се појави облечен во црно бела комбинација, впечатливо одело со потпис на Хајдер Акерман.

Били Ајлиш овојпат се појави во најгламурозен издание досега. Во впечатлив кремаст фустан, пејачката на црвениот тепих изгледаше како вистинска принцеза. Прекрасната креација е дело на Оскар Де Ла Рента.

Девојката која на инаугурацијата на американскиот претседател Џо Бајден го воодушеви светот со изведбата на нејзината поема, се појави на Мет Гала во креација на Вера Венг во плава мастило боја декорирана со дискретни сребрени детали. Аманда носеше впечатлива чанта во форма на книга.

Моделот Иман со сомалиско-американско потекло во соработка со Харис Рид и Долче и Габана на црвениот тепих се појави во воодушевувачка креација со пердуви на златна позадина.

Раперот Лил Нас кој за првпат се појави на Мет Гала очигледно се потрудил да не остане незабележан. Со својата впечатлива креација тој буквално доминираше на црвениот тепих. За неговиот изглед се погрижи единствената Донатела Версаче.

Џенифер Лопез за оваа пригода се одлучила за кафеав фустан и крзнена наметна која ја надополнила со црн шешир и вртоглаво високи потпетици во сребрена боја. Зад нејзината модна комбинација стои Ралф Лорен.

Славната двојка Џастин Бибер и неговата сопруга Хејли Бибер се појавија во едноставни креации. Џастин носеше костум од Дру Хаус, додека Хејли носеше едноставна долга црна тоалета од Ив Сен Лорен.

Погледнете ги останатите ѕвезди:

Кери Мулиган

Вупи Голдберг

Ријана и АСАП Роки

Оливија Родриго

Лили Роуз Деп

Кид Куди

Емили Ратајковски

Росалиа

Џиџи Хадид

Меган Фокс