Ѕвездата на легендарната група АББА Бјорн Улвеус се ожени со својата девојка Кристина Сас во Копенхаген. Според неговите зборови, музичарот се вљубил „од глава до петици“ во својата нова сопруга, која 79-годишниот маж ја запознал во Германија. Таа е неговата „трета голема љубов“, како што еднаш рече Бјорн Улвеус на шведската телевизија, пишува Т-Онлајн.
„На 21 септември 2024 година, Бјорн Улвеус се ожени со Кристина Сас од Хернинг во Данска“, се вели во објавата на официјалната страница на музичарот на Инстаграм.
View this post on Instagram
Бјорн и Кристина се запознале во Нирнберг во 2021 година по повод објавувањето на последниот албум на ABBA „Voyage“ и почнале да се забавуваат пролетта 2022 година. Свадбата се одржа во Копенхаген во присуство на блиски пријатели и семејството.
79-годишниот музичар на Инстаграм сподели и информации за неговата свадбена церемонија, која беше многу лежерна. Бјорн Улвеус беше облечен во сив костум со бела маичка одоздола. Кристина Сас избра некласична венчаница, односно фустан во минт-злена нијанса.
Бјорн Улвеус го направи своето прво јавно појавување со Кристина Сас во 2022 година. Двојката неодамна присуствуваше, меѓу другото, на тенискиот турнир Вимблдон.
Ова е трет брак на Бјорн Улвеус. Во 1970-тите, музичарот беше оженет со неговата колешка од бендот Агнета Фелцког, со која има две деца. Нивниот брак траеше девет години – до 1980 година. По разделбата, тој повторно се ожени на почетокот на 1980-тите.
