42-годишната принцеза Кетрин од Велс ја посети црквата Крејти Кирк во Балморал со принцот Вилијам, кралот Чарлс и кралицата Камила. Ова беше нејзино прво појавување во јавноста откако објави дека завршила со хемотерапијата, пишува Дејли Мејл.
Кејт седна на совозачкото седиште во автомобилот на нејзиниот сопруг, носејќи една од нејзините омилени капи, кои идната кралица веќе ги носеше на црковните служби, вклучувајќи го и Божиќ.
🚨🇬🇧PRINCESS KATE SPOTTED FOR FIRST TIME SINCE COMPLETING CHEMOTHERAPY
Kate Middleton, the Princess of Wales, was seen in public for the first time since announcing she has completed her chemotherapy.
She was pictured alongside Prince William on their way to Sunday Service at… pic.twitter.com/AeyYinMIXN
— Mario Nawfal (@MarioNawfal) September 22, 2024
Вилијам уште еднаш се појави пред фотоапаратите на фотографите со небричено лице, кое првпат го покажа минатиот месец.
По деветмесечната битка со ракот, кој на принцезата од Велс ѝ беше дијагностициран по операцијата на стомакот во јануари оваа година, Кетрин полека се враќа на своите кралски обврски.
За да го објави крајот на хемотерапијата, принцезата од Велс претстави триминутно видео кое многу кралски набљудувачи го нарекоа многу лично. Во него, таа зборува за своето патување до закрепнување, а покажува и семејна снимка од нејзиниот сопруг, трите деца и нејзините родители.
Кејт рече дека ќе се врати на работа и ќе направи „уште неколку јавни настани во наредните месеци“, но нејзиниот фокус е на „да направам се што можам за да се ослободам од ракот“.
